Pronari i Chelseat, Roman Abramovich, ka nxjerrë në shitje klubin. Lajmin e bën të ditur “Sunday Times”, sipas të cilës, rusi ka punësuar bankën njujorkeze “Raine Group” që të përgatisë dokumentet për shtijen.
Flitet se banka në fjalë e ka vlerësuar klubin londienz 2 miliardë paund dhe ka vënë në lëvizje këshilltarët e saj, të cilët gjithashtu kanë ndihmuar në shitjen e 13% të aksioneve të Manchester City te “China Media Capital”, për 265 milionë paund në vitin 2015.
Nuk dihet ende nëse do të jenë pikërisht këta këshilltarë që do të kërkojnë blerësit e rinj, por rritja e vlerës është marramendëse nëse llogaritet që rusi e bleu klubin në vitin 2003 për veëm 140 milionë paund.
Blutë nuk kanë arritur të kualifikohen për në Champions League për herë të dytë në tre vitet e fundit, pasi më parë nuk kishin munguar në kompeticionin më të madh në kontinent që prej mbërritjes së Abramovich.
Gjithashtu Eden Hazard nuk është bindur ende që të nënshkruajë një kontratë të re dhe rreziku më i madh është që lojtari të përfundojë vitin tjetër te Real Madrid.
Chelsea duhet të rindërtojë skuadrën nën drejtimin e trajnerit të ri Maurizio Sarri pasi në vitet e fundit ka lejuar largimin e parakohëshëm të talenteve si Mo Salah, Kevin de Bruyne dhe Romelu Lukaku.
Megjithatë, që prej mbërritjes së miliarderit rus, Chelsea ka kaluar një prej periudhave më të suksesshme të historisë së vet, duke u bërë edhe klubi i parë londinez që fitonte Champions League në vitin 2002, përveç fitimit të pesë titujve kampionë, nga gjashtë që ka gjithsej, shkruan Telesport.
Në maj të këtij viti, pas sanskionve politike të vendosura nga Britania e Madhe ndaj Rusisë si kundërpërgjigje e helmimit në Salisbury, Chelsea bëri të ditur që Abramovich kishte pezulluar planet për zgjerimin e “Stamford Bridge”, një investim që kapte vlerën e 500 milionë paundëve. Ndërsa vetë pronarit të klubit iu refuzua rinovimi i vizës.
