Ish-ministri Ylli Manjani, i ftuar në rubrikën “Ora e Intervistës” në Ora News, ka deklaruar se Rama ka plan që partitë e vogla ti shkrijë. Manjani ka theksuar se çdo parti krijohet mbi bazën e një morie votash dhe jo nga dëshirat e dikujt që ato të mos ekzistojnë. Ish-ministri ka thënë se Partia Socialiste gjithmonë ka humbur për shkak se nuk ka bërë koalicione, por edhe këtë herë Rama do humbi. Dhe në qoftë se PS-ja bën aleancë me Skënder Gjinushin dhe Paskal Milon nuk arrin dot që të bëjë 71 deputet. Ndërsa për Partinë Demokratike është shprehur se kjo parti suksesin e saj e ka pasur gjithmonë kur ka bërë koalicion me Partinë Republikane.
“Marrëveshja PD-PS do t`u kthehet turinjve. Partitë politike nuk shkrihen se do një parti tjetër më e madhe. LSI është modeli i një partie që u rrit gradualisht dhe jo me ndihmën e ndërkombëtarëve. PSD nuk shkrihet sepse do Edi Rama. Eleminimi i partive politike nuk bëhet sepse shef ëndrra Edi Rama”, thotë Manjani.
Manjani ka shtuar se “partitë do të duhet të ndëshkohen për llogaritë parazgjedhore që kanë bërë. Për LSI-në është legjitime që të dalë platformë e parë. Partitë politike nuk kanë asnjë lloj mesazhi se çfarë do të bëjnë më vendin. Partitë nuk kanë prezantuar programet e tyre”.
Për Vettingun Manjani tha se është një lojë politike që Rama po e luan mirë dhe po i ecën. Nga Vettingu rama është vetë i rrezikuar.
