Manaj luan “pistë” për të qenë me kuqezinjtë, i sulen tifozët

Rei Manaj është ftuar nga kombëtarja U-21, por që të ishte prezent në këtë takim nuk do ta kishte aq të lehtë. Ekipi spanjoll ku aktivizohet sulmuesi shqiptarë do të luaj një ditë para se të zhvillohen ndeshjet eliminatore për Europianin e të rinjve dhe kjo ia bënte të pamundur pjesëmarrjen lushnjarit të Interit.

Edhe pse nuk luan titullarë, Manaj në ndeshjen e fundit që Granada zhvilloi përballë Rio Oviedos, ku ekipi i tij u mposht me rezultatin 2-1, u ndëshkua me karton të verdhë. Karton që u kërkua me shumë ngulm nga shqiptari, pasi një karton i verdhë do ti priste biletën për të qenë prezent me kombëtaren në dy sfidat përballë Sllovakisë. Por për këtë veprim Rei është kritikuar shumë nga tifozët.

Sipas tyre, Manaj e ka bërë veprimin me dashje, pasi dëshironte të plotësonte numrin e 5 kartonëve të verdhë, për të munguar në sfidën e radhës për shkak të angazhimeve ndërkombëtare. Lushnjari u ndëshkua me karton të verdhë në minutën e 96-të.

Në qoftë se Manaj nuk do të ndëshkoheshe me karton të verdhë, atij do ti duhej të qëndronte me skuadrën në sfidën e radhës ndaj Numacias dhe nuk do mund t’i bashkohej dot Kombëtares Shpresa.

“E turpshme ajo e Rei Manajt. Nuk u ndal derisa pa kartonin e verdhë. Çfarë lecke, nuk di çfarë emri t’i vë kësaj të sotmes”, shkruan njëri prej tifozëve të Granadës në rrjetet sociale.