Policia e Fierit ka arrestuar në flagrancë shtetasin Arsen Kapllanaj, 34 vjeç, banues në fshatin Graçie, Mallakastër.
Uniformat blu gjetën në shtëpinë e këtij shtetasi rreth 5 kg lëndë narkotike e dyshuar Cannabis Sattiva.
Njoftimi i policisë
Mallakastër,
Sekuestrohen 5 kg lëndë narkotike Cannabis Sattiva. Arrestohet në flagrancë poseduesi.
Specialistët e Sektorit për Hetimin e Narkotikëve dhe Trafiqeve të Paligjshme në Drejtorinë Vendore të Policisë Fier, arrestuan në flagrancë shtetasin:
-Arsen Kapllanaj, 34 vjeç, banues në fshatin Graçie, Mallakastër.
Arrestimi i këtij shtetasi u bë pasi në banesën e tij u gjet e sekuestrua në cilësinë e provës materiale rreth 5 kg lëndë narkotike e dyshuar Cannabis Sattiva.
Materialet i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe shitja e narkotikëve”, parashikuar nga Neni 283/1 i Kodit Penal.
