Një automjet është përfshirë nga flakët pasditen e kësaj të marte në aksin rrugor Gjirokastër-Kakavijë. Sipas policisë, makina tip “BMW”, e drejtuar nga një 31-vjeçar me inicialet N.G., ka marrë flakë teksa ishte në lëvizje.
Dyshohet se shkaku i zjarrit ka qenë një shkëndijë elektrike, ndërsa fatmirësisht nuk ka persona të lënduar, por vetëm dëme materiale.
Grupi hetimor ndodhet në vendngjarje dhe po punon për përcaktimin e shkaqeve të plota të incidentit.
