Një automjet është përfshirë nga flakët mbrëmjen e kësaj të shtune në aksin rrugor Elbasan–Tiranë, në afërsi të “Tunelit të Krrabës” duke shkaktuar panik tek drejtuesit e tjerë të mjeteve që qarkullonin në zonë.
Sipas burimeve nga vendngjarja, makina është mbuluar plotësisht nga flakët, ndërsa fatmirësisht nuk raportohet për persona të lënduar. Drejtuesi i mjetit ka arritur të dalë në kohë, duke shmangur pasojat më të rënda.
Në vendngjarje kanë mbërritur shërbimet e Policisë dhe zjarrfikësit, të cilët kanë ndërhyrë për shuarjen e flakëve dhe për normalizimin e qarkullimit në këtë segment rrugor.
Për momentin nuk ka detaje të qarta lidhur me shkaqet e rënies së zjarrit, ndërsa hetimet për zbardhjen e plotë të ngjarjes vijojnë.
