Një makinë është aksidentuar këtë të martë, në fshatin Strum të Fierit.
Automjeti i drejtuar nga një 21-vjeçar indian, me dy pasagjerë bashkëkombas të tij, ka dalë nga rruga, ku për pasojë kanë mbetur të dëmtuar dy pasagjerët.
Sipas burimeve thuhet se dy shtetasit indianë janë jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave mbi daljen nga rruga të mjetit ku udhëtonin indianët.
Njoftimi i policisë
Rreth orës 09:00, në fshatin Strum, Roskovec, shtetas indian D. J., 21 vjeç, duke drejtuar automjetin, dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë e daljes së automjetit nga rruga janë dëmtuar dy pasagjerë (shtetas indian), të cilët ndodhet në spital, jashtë rrezikut për jetën.
Grupi hetimor ndodhet në vendngjarje dhe po punon për sqarimin e plotë të rrethanave dhe shkakut të daljes nga rruga.
