‘Makbeth’ është shfaqja që do t’iu shoqërojë së shpejti në pasditet tuaja në teatër. Cilësuar si tragjedia më unike dhe e veçantë, e cila mbart emocione të forta dhe pasqyron dëmtime të marrëdhënieve si shkak të ambicies politike.
Tragjedia e shkruar nga William Shakespeare dhe mendohet të jetë vënë në skenë për herë të parë në vitin 1606.
Një gjenerali trim skocez me emrin Makbeth i shfaqen tri Magjistrica me një profeci, se një ditë ai do të bëhet Mbret i Skocisë. I konsumuar nga ambicia, Makbeth vret Mbretin dhe e merr për vete fronin e Skocisë. I detyruar të kryejë më shumë vrasje për të mbrojtur veten dhe për të hequr dyshimet mbi të, ai shumë shpejt do të bëhet një tiran i gllabëruar nga ndjena e fajit.
‘ Makbeth’ ngjitet në skenën e Teatrit Kombëtar për herë të parë nga regjisori Kled Kapexhiu dhe nën interpretimin e aktorëve : Indrit Cobani, Luli Bitri, Arben Derhemi, Laert Vasili, Neritan Liçaj, Genti Deçka, Suela Bako, Jaho Guma, Xhino Musollari, Adelina Muca, Niada Saliasi, Arjola Basho, Klodjana Keco e shumë të tjerë.
