Majlinda Kelmendi shihet si favoritja kryesore për të fituar medaljen e artë në Kampionatin Evropian të Xhudos, për vitin 2017, që do të mbahet ditën e enjte në Varshavë të Polonisë.
“Duhet të ndodhë thuajse një mrekulli që Majlinda Kelmendi mos të mbrojë titullin. Një gjë është e sigurt, nuk ka asnjë rivale që e njeh Kelmendin më mirë se partnerja e saj e stërvitjes, Distria Krasniqi, që është bartëse e tretë. Andreea Chitu e Rumanisë është një kandidate tjetër, njëjtë si Odette Giuffrida e Italisë”, ka shkruar sajti i Federatës Evropiane të Xhudos.
Majlinda ka dy tituj të Evropës, në vitet 2016 e 2014, ndërsa në vitin 2013, ajo fitoi medaljen e bronztë.
