Nju Jork – Madonna ka shkuar në shtëpi pas një qëndrimi disaditor në spital dhe po “ndihej më mirë”, i tha AFP të enjten një burim i afërt me çështjen.
Superylli i popit, 64 vjeçe, ishte e sëmurë me një “infeksion të rëndë bakterial” që e shtroi atë në një njësi të kujdesit intensiv, tha menaxheri i saj Guy Oseary në një deklaratë të mërkurën.
Ajo pritet të shërohet plotësisht, tha ai, por u desh të shtynte turneun e saj “Celebrations” që do të fillonte më 15 korrik.
Turneu i saj global, pothuajse i shitur, u cilësua si homazh për karrierën e gjatë prej më shumë se katër dekadash të Madonës.
Ndalesat në Shtetet e Bashkuara do të përfshinin Detroitin, Çikagon, Majamin dhe Nju Jorkun, qytetin ku filloi ngritja e saj e përfolur drejt majës.
Më pas ajo ishte planifikuar të vazhdonte në Evropë, me takime në Londër, Barcelonë dhe Paris, si dhe katër takime në Mexico City.
Ikona fituese e Grammy-t, duke përfshirë “Like A Virgin” dhe “Material Girl” ka pasur një ndikim një karrierë yjore në muzikë.
Menaxheri i saj ishte zotuar të jepte më shumë informacion kur të ishte në dispozicion, duke përfshirë një datë të re fillimi për turneun dhe për shfaqjet e riplanifikuara.
Në vitin 2020, Madonna iu nënshtrua një operacioni për zëvendësimin e ijeve pas një dëmtimi të pësuar në turneun e saj “Madame X”.
