Presidenti francez, Emmanuel Macron priti sot homologun e tij rus, Vladimir Putin, në kështjellën e Versajës.
Dy krerët e shteteve zhvilluan një mbledhje në Versajë që do t’i paraprijë drekës së punës dhe një konference të lajmëruar për shtyp.
Arsyeja e kësaj vizite është një ekspozitë mbi vizitën historike të zhvilluar në vitin 1717 nga Pjetri i Madh në Francë, (me rastin e 300-vjetorit), ngjarje kjo që vendosi edhe marrëdhëniet diplomatike mes dy vendeve.
“Ideja është që, nëpërmjet një vizite të përbashkët të ekspozitës, të theksohet historia e gjatë dhe ë thellë e lidhjeve mes dy vendeve”, shpjegon presidenca franceze.
Në fokus të takimit të parë Macron-Putin, pritet të jenë një seri çështjesh, kryesisht, në lidhje Sirinë dhe Ukrainën.
