Një nga ritualet më të çuditshme ne bote na njeh me festën e Shën Patrikut, ku lumi i Chicago-s në SHBA ka marrë ngjyrë jeshile. Me mijëra njerëz janë mbledhur në brigjet e lumit të Chicago-s ditën e shtunë, për të parë ritualin e ngjyrosjes së lumit në jeshile, një traditë kjo që daton që prej vitit 1962.
Një paradë u mbajt gjithashtu me rastin e kësaj feste. Mes atyre që morën pjesë në paradë ishin kryebashkiaku Rahm Emanuel, guvernatori republikan Bruce Rauner dhe shumë kandidatë që konkurronin në zgjedhjet e së martës.
Unioni i hidraulikëve, filluan traditën e ngjyrosjes së lumit në të gjelbër, me një material që dikur përdorej për të gjetur rrjedhjet në ndërtesa. Organizatorët e ceremonisë së të shtunës, thonë se pluhuri i përdorur është një recetë sekrete dhe e sigurt për mjedisin.
