Të shtunën në mbrëmje do të zhvillohet edhe ndeshja e shumëpritur, finalja e Champions League mes Liverpool dhe Real Madrid në Kiev të Ukrainës. Tek anglezët Klopp ka hasur një problem që nga 16 maji kur ka filluar edhe muaji i Ramazanit, pasi janë disa lojtarë të besimit mysliman dhe nuk kanë pranuar ta ndërpresin.
Ylli i Liverpulit, Mohamed Salah do të jetë me agjërim kur të luajë finalen e madhe të Champions League kundër Realit edhe pse sportistët profesionistë lejohet që të mos agjërojnë. Salah, sipas “Al Masry al Youm”, u ka thënë të afërmve që nuk do ta prishë agjërimin, pasi kjo gjë nuk do ta pengojë për të dhënë më të mirën në fushë.
Madje, Nabil El Zhar, futbollist mysliman që luan me Leganesin në Spanjë, thotë se kur është me agjërim luan edhe më mirë, sepse është “më i pastër brenda”.
