Pakica serbe e cila jeton në Luginën e Preshevës është kundër idesë së shkëmbimit të territoreve. Ata madje nuk kanë pranuar të prononcohen për median gjermane “Der Spiegel”.
“Disa qindra serbë në qytet janë pa përjashtim kundër ndryshimeve kufitare. Por vështirë se dikush dëshiron të flasë. Disa reagojnë me zemërim ndaj pyetjeve, të tjerët janë të frikësuar. Ata mendojnë se dikush po vjen dhe do tu prishë paqen që kanë ndërtuar mes tyre dhe shqiptareve”, shkruan media gjermane.
Më tej prestigjiozja gjermane shkruan se:
Ekziston edhe një numër i vogël shqiptarësh, të cilët kanë dalë haptazi kudër idesë së shkëmbimit etnik të territoreve. Njëri prej tyre është Vanon Arifi, i cili nuk ka lidhje gjaku me kreun e komunës së Luginës së Preshevës Shqipërim Arifi
32-vjeçari e ka studiuar projektin e idesë së shkëmbimit të territoreve. Ai ka punuar në Preshevë për tetë vjet si aktivist i të drejtave të njeriut për OJQ të ndryshme serbe. Kur ai kalon nëpër qytet, shumë e përshëndetën ngrohtësisht. Me një buzëqeshje të lodhur idealiste, ai thotë se grupet etnike nuk kanë konflikte me njëri-tjetrin, por janë të korruptuarit dhe të pasurit që duan ndryshime kufijsh.
“Ideja e shkëmbimit të territoreve nuk mund të jetë e vërtetë. Njerëz si Thaçi dhe Vuçiç, të cilët i kanë miratuar apo koordinuar luftërat kanë krijuar të gjitha problemet në rajonin tonë. Tani supozohet të na ofrojnë rregullimet kufitare si zgjidhje!”, tha ia./Tirana Today/
