Një shtëpi është përfshirë nga flakët e mëdha në Ohio, por vëmendjen më të madhe e mori një zjarrfikës. Ai luftoi mes flakëve në mënyrë dramatike për të shpëtuar flamurin amerikan, i cili ndodhej në shtëpinë e veteranit të Vietnamit.
Allen Skomer, një zjarrfikës nga Toledo, po ndihmonte shokët e tij të luftonin një zjarr që shkatërroi shtëpinë e një veterani të premten herët në mëngjes. Skomer, edhe vetë është një veteran i Marinës, raportoi WTOL-TV.
“Unë po ndihmoja një nga shokët që të ndalonim zjarrin mes dy strukturave, për të mos lejuar të digjen të dyja” tha Skomer. “Atje vura re ngjyrat e flamurit që lundronin mes flakëve dhe nuk do ta lija të digjej, kështu që shkova dhe e mora atë.
Unë jam një veteran i Marinës. Dhe ky është një reagim instiktiv. Unë kurrë nuk do të kisha lejuar që flamuri të digjej ose të përdhoset para meje “. Pronari i shtëpisë që u pushtua nga zjarri nuk është identifikuar, por një mik, Christy Depp, tha se flamuri është i rëndësishëm për të. Përshtati TIRANA TODAY!
