Gjatë 24 orëve të fundit, numri i të vdekurve ka shkuar në 73 në luftimet e dhunshme mes ushtrisë siriane dhe xhihadistëve të grupit të Shtetit Islamik. Luftimet janë zhvilluar në në Deir Ezzor, qytet në lindje të Sirisë.
Observatori sirian për të Drejtat e Njeriut thotë se “forcat e regjimit kontrollojnë pjesën më të madhe të provincës së Deir Ezzor, por rreth tetë për qind e qytetit mbetet në duart e Shtetit Islamik.”
Luftimet kanë shkaktuar 50 të vdekur mes xhihadistëve dhe 23 të vdekur mes forcave të regjimit dhe aleatëve, shkruan ata.
Sipas drejtorit të përgjithshëm të OSDH-së, Rami Abdel Rahmane, forcat qeveritare i kanë rimarrë Shtetit Islamik dy lagje të tjera si dhe stadiumin komunal.
