Mëngjesi i kësaj të marte ishte i përgjakur në Kabul. Mediat raportojnë se të paktën 12 raketa janë hedhur në Kabul, ku disa prej tyre kanë synuar Pallatin Presidencial, dhe zonën diplomatike në kryeqytetin e Afganistanit.
Sulmi nisi pasi presidenti Ashraf Ghani kishte marrë fjalën në ceremoninë e faljes së Bajramit. Presidenti Ashraf Ghani po uronte Kurban Bajramin, kur u dëgjuan shpërthime, disa prej tyre pranë Pallatit Presidencial.
Zyrtarët afganë thanë se luftimet shpërthyen midis forcave të sigurisë dhe grupeve të armatosura në lagjen e vjetër të qytetit, dhe flitet për të paktën 2 të plagosur.
“Këtë mëngjes një grup terroristësh hypën në një ndërtesë në Reka Khana, dhe qëlluan disa raketa drejt Kabulit”, tha Najib Danishm, një zëdhënës për Ministrinë e Brendshme, për agjencinë e lajmeve AFP.
