Turqia po përshkallëzon provokimet e saj kundër Greqisë mbi Detin Egje. Forcat Ajrore Turke kryen rreth 107 shkelje të hapësirës ajrore kombëtare greke. Provokimet e turqve çuan në një ‘luftë’ avionësh mbi Detit Egje mes flotës së avionëve luftarakë grekë dhe turq.
E përditshmja greke “Protothema” shkruan se plot 15 avionë turq fluturuan mbi Egjeun Qendror dhe Juglindor gjatë ditës.
Avionët turq (12 avionë luftarakë F-16, dy aeroplanë F-4 Phantom dhe një CN-235) ,gjithashtu kryen 24 shkelje të ligjit të hapësirës ajrore kombëtare greke. Dhjetë prej avionëve luftarakë turq ishin të armatosur.
Po gjatë ditës së sotme, katër avionë luftarakë turq shkelën hapësirën ajrore kombëtare greke dhe fluturuan mbi dy ishuj grekë, në Egjeun qendror. TIRANA TODAY
