Më 2 korrik të vitit 1990 në Kuvendin e Kosovës, u miratua Deklarata Kushtetuese e Pavarësisë. Plot 28 vite më parë, delegatët e atëhershëm kërkuan një Kosovë të pavarur nga Serbia.
Nuk duhet harruar se në këtë ditë historike, Kosova është shpallur njësi e veçantë, në kuadër të federatës së atëhershme jugosllave.
Deklaratën Kushtetuese mbi Kosovën si njësi të pavarur dhe të barabartë në kuadër të federatës apo konfederatës jugosllave e shpallën në Prishtinë 111 delegatët shqiptarë, po edhe të komuniteteve të tjera të Kuvendit të Kosovës.
Kjo deklartatë shënon edhe pikënisjen për pavarësimin e Kosovës nga Serbia, duke synuar që të trajtohet si e barabartë me republikat e atëhershme socialiste në federatën jugosllave.
