Drejtori i Policisë së Shtetit ka marrë pjesë në mbledhjen raportuese të Zyrës Operacionale në Kryeministri.
Gjatë fjalës së tij, Haki Çako tha se në këtë periudhë janë hetuar dhe verifikuar 51 punonjës policie në lidhje me përfshirjen e trafikut të drogës, ndërsa pranoi se mes tyre ka pasur të arrestuar dhe të ndëshkuar me masë disiplinore.
FJALA E ÇAKOS:
“Çdo polic ka marrë përgjegjësitë e veta për kontrollet. Punonjësit e policisë duhet të jenë shembull për të gjithë. Në kuadër të luftës kundër kanabisit janë kryer takime sensibilizuese me shoqërinë.
Janë hetuar dhe verifikuar gjithsej 51 punonjës policie ku ndër ta nuk kanë munguar të arrestuarit të përjashtuar nga policia 14 dhe një numër i konsiderueshëm të ndëshkuar me masa disiplinore.
Gjatë kësaj periudhe në sistemin policor janë administruar gjithsej 1844 informacione policore vetëm në drejtim të kultivimit të kanabisit. Këtë vit në bashkëpunim me policinë italiane për monitorimin nga ajri. Deri në datën 16 korrik janë kryer 10 fluturime nga Guardia Di Finanza dhe janë administruar 7 raporte monitorimi.”
