Deputeti i Nismës, Milaim Zeka i ftuar në “Debat Plus” ka rrëfyer momente nga beteja e Koshares.
Zeka thotë se bashkë me nënkryetarin e OVL-së së UÇK-së, Nasim Haradinajn, kishin zbritur në tokën e Kosovës pas 18 vitesh.
“Bashkë me Nasimin pas 18 viteve, para se të hynim në kufi. Kemi qenë me Nasimin edhe në SHBA. Kur kemi hyrë në kufi, i thashë: Nasim po du me fol me ty diçka. Pashë Zotin, a ma jep besën që nëse plagosem, mos të më lësh të gjallë. Nasimi ma ktheu: Unë atë punë pa besë ta kryejë, të vras, hiq mos ta ninë’’, tha Milaim Zeka.
Më tej, deputeti rrëfen se në atë periudhë është zhvilluar një luftë e madhe.
“Vetë fakti që ushtarët kanë ngrënë e kanë pirë në kazermën e ushtrisë jugosllave, flet edhe dëshmon që aty është bërë një luftë shumë e madhe”, shtoi ai.
