Televizioni shtetëror rus shfaqi një video të shkurtër nga lufta brutale në Siri. Por kjo në fakt ishte nga një video lojë e quajtur ‘ARMA 3’. BBC ishte faqja e parë e lajmeve në gjuhën angleze që vërejti këtë histori që u bë virale pas transmetimit në kanalin televiziv Channel One të kontrolluar nga Kremlini.
Mediat ruse, presidenti Vladimir Putin dhe ministria e jashtme e Rusisë kanë përdorur në mënyrë të përsëritur pamjet e rreme nga videolojërat për qëllime propagandistike. Dhe po bëhet gjithnjë e më e vështirë të kuptohet pse. Ka shumë pamje të vërtetë të luftës atje. Interneti është i mbipopulluar me filmime të tilla. Pra, pse përdorin pamjet nga videolojërat?
A është vetëm për shkak se pamjet e videove në lojëra në të vërtetë duken më “reale” në një farë mënyre? Kjo mund të jetë shpjegimi për këtë rast, siç mund të shihni se pamjet e videove janë ndoshta foto kinematike të përdorura për të ndërtuar një videoklip të shkurtër.
Cilado qoftë shkaku, kjo bën që mediat shtetërore ruse të duken shumë pak të besueshme për momentin. Sidomos pasi kjo gjë është përsëritur shumë së fundmi. Këto pamje janë përdorur edhe nga media e madhe amerikane CNN. Po, emri më i besuar i lajmeve ka përdorur këto pamje në dhjetor të vitit 2016 nga loja Fallout. TIRANA TODAY
