Sot në orën 12:00 është hera e fundit që do të bjerë këmbana universale e Big Ben, e cila do të “heshtë” për 4 vjet me radhë.
Kjo sepse ora simbol e kryeqytetit britanik do t’i nënshtrohet një restaurimi, i cili do të përfundojë në 2021.
Kjo është periudha më e gjatë në të cilën Londra do të privohet nga tingulli i kambanave të orës, që janë pjesë shumë e rëndësishme e imazhit të saj që kur kulla është ndërtuar dhe inauguruar më 1859.
Ndërprerja e gjatë e këmbanës së Big Ben ka ngjallur shumë polemika në Parlamentin britanik, ku edhe kryeministrja Theresa May, ka qenë kundra kësaj mbyllje të gjatë të simbolit të Britanisë.
Deri në momentin e përfundimit të punimeve restauruese, Big Ben do të dëgjohet vetëm në rastet e veçanta.
