Lojtari më i vështirë? Buffon injoron 10 “Topat e Artë”, drejton gishtin nga e shkuara

Gianluigi Buffon është ndër të paktët lojtar që ka rezistuar kaq gjatë në fushat e futbollit dhe që është përballur me shumë yje. Gardiani i portës së Juventusit dhe i Italisë ka provuar si kundërshtarë Ronaldo fenomenin dhe dyshen e “frikshme” që po sundon futbollin aktualisht, 10 “Topat e Artë” Ronaldon dhe Messin.

Por Buffon, kur i është dashur të zgjedhë kundërshtarin më të vështirë ka drejtuar gishtin nga e shkuara dhe ka thënë se Ronaldo (fenomeni) ishte më i “frikshmi” që ishte përballur ndonjëherë në karrierë në fushën e blertë.

“Kundërshtari më i fortë me të cilin jam takuar në karrierë? Ronaldo, Fenomeni ishte diçka e jashtëzakonshme. Po ashtu, futbollistët e asaj kohe ishin të veçantë dhe dukej sikur ishte një jashtëtokësor që po luan me njerëzit”, u shpreh Buffon për mediat italiane.