Futbollistët e Arsenalit e kanë gjetur një mënyrë për të kaluar kohën sa më mirë në shoqërinë e njëri-tjetrin, duke dalë disi nga rutina e të luajturit futboll. Ata kanë luajtur paintball, së bashku me trajnerin, Emeri.
Ashtu siç e do edhe zakoni i lojës, shumë prej futbollistëve kanë mbajtur në dorë flamujt e shteteve që ata i përkasin. E nëse nuk ishte flamur i shpalosur, me siguri që në krahë e kishin gjetur mënyrën për të treguar simbolin se prej nga vinin.
Yesterday we started the week in a different way… Great #teambuilding… We are the @Arsenal ! pic.twitter.com/ex5ORPwGuN
— Unai Emery Echegoyen (@UnaiEmery_) January 22, 2019
Një situatë e tillë rezulton e pakëndshme për Granit Xhakën. Për të evituar përplasjet dhe pakënaqësitë aspak të nevojshme, mesfushori me origjinë shqiptare e që përfaqëson Zvicrën, ka zgjedhur të mos mbajë asnjë flamur. Sigurisht, nëse do të kishte zgjedhur njërin prej tyre, nga ana tjetër do të kishin nisur ofendimet e shumta ashtu siç kanë ndodhur shpesh në kohët e fundit.
