Skënderbeu do të përballet me Partizanin e Beogradit në sfidën e katër të grupeve në Europa League. Shanset janë të barabarta për të dy ekipet dhe pritet të jetë një ndeshje e luftuar fort. Korçarët udhëtojnë me misionin e fitores, pasi kjo përballje i kalon kufijtë e një ndeshje futbolli.
Minutë pas minute:
77′ Soue tenton me një goditje nga jashtë zonës, por topi shkon jashtë.
75′ Tavamba tenton me një goditje nga jashtë zonës, por topi shkon jashtë.
74′ Jashanica tenton me një goditje me kokë brenda zonës, por Stojkoviç e devijon topin në goditje këndi.
74′ Partizani i Beogradit kryen zëvendësimin e parë. Largohet Ozegoviç, në fushë Radin.
72′ Radas ekzekuton një goditje dënimi duke tentuar portën, por topi kontrollohet nga Stojkoviç.
71′ N.R. Miletiç ndëshkohet me karton të verdhë.
70′ Jashanica tenton me një goditje brenda zonës, por topi pritet nga Stojkoviç.
68′ Skënderbeu kryen zëvendësimin e dytë. Largohet Gavazaj, në fushë Nespor.
66’ Shehi paso një top për Lilajn, të cilit i rrëmbehet topi dhe serbët dalin 2 kundër Shehit dhe e mposhtin me lehtësi. Tawamba dërgon topin në rrjetën e boshatisur.
62′ Tavamba tenton me një goditje të rrezikshme me kokë brenda zonës, por Shehi bën një tjetër pritje shpëtimtare.
61′ Tavamba tenton me një goditje të rrezikshme me parabël nga hyrja e zonës, por Shehi bën një pritje mjaft të bukur duke e devijuar topin në goditje këndi.
57′ Taku pason bukur për Micin në hyrje të zonës nga krahu i majtë, por ky i fundit e humb topin në momentin që tenton të krosojë.
54′ Ozegoviç futet rrezikshëm në zonë, por mbrojtja korçare i mbyll hapësirën dhe largon topin.
51′ Tosiç ndëshkohet me karton të verdhë.
47′ Lilaj ekzekuton një goditje këndi duke krosuar në zonë, aty Radas tenton me kokë por topi shkon jashtë.
46’ ka filluar pjesa e dytë ku topin nga qendra do ta nisë Skënderbeu. Bardhekuqtë do të tentojnë të barazojnë ndeshjen dhe pritet një lojë mjaft sulmuese.
Mbyllet pjesa e parë me rezultat 1-0 në favor të Partizanit të Beogradit. Goli ka ardhur nga një goditje standarde. Korçarët kanë bërë një pjesë të parë mjaft pozitive duke iu afruar shumë golit të barazimit. Por ajo goditje e ekzekutuar në mënyrë perfekt nga Tosic solli avantazhin e vendasve. Xhejms dhe Soue kanë bërë disa dalje perfekte por që nuk kanë arritur ti finalizojnë si duhet. Për tu vlerësuar është edhe mbrojtja, ku Mici po shkëlqen në krahun e majtë.
45’ Lilaj godet një goditje dënimi perfekte, ku gjen Jashanicën në zonë që devijon topin drejt portës, por arbitri sinjalizon pozicion jashtë loje.
39’ Zoran Tosic fiton një goditje dënimi dhe merr vetë ekzekutimin e saj. Godet dhe e dërgon topin në hapësirën që nuk mund ta priste Shehi. Partizani kalon në avantazh.
29’ Mici kthen një top të rrezikshëm për Orges Shehin, i cili largon por topi përplaset tek sulmuesi Partizanit dhe rrezikon të përfundojë në rrjetë.
28’ Goditje dënimi nga shumë pranë portës, por në momentin e fundit largon Mici në goditje këndi.
24’ Deri në këto moment Skënderbeu po zhvillon një ndeshje mjaft të mirë duke dominuar në fushën e lojës.
17′ Bilher shtrihet në fushë i dëmtuar, Gavazaj respekton fair play duke nxjerrë topin jashtë.
14′ Mici shkakton një faull në një pozicion të rrezikshëm. Tosiç e ekzekuton duke tentuar portë, por grushton Shehi.
11′ Xhejms fut një top drejt qendrës nga e majta, por Bilher ndërhyn duke e devijuar në goditje këndi.
9’ Tosic në një kundërsulm godet nga jashtë zone dhe vë në vështirësi Orges Shehin.
1’- Është Partizani që nis topin nga qendra.
Kanë zbritur në fushën e lojës lojtarët.
Në momentin që lojtarët e Skënderbeut zbresin në fushë për të bërë nxehjen janë pritur me vërshëllima nga tifozët e pranishëm në stadium. Po ashtu dëgjohen edhe thirrje “Kosova është Serbi”.
Janë publikuar edhe formacionet zyrtare të përballjes mes Partizanit të Beogradit dhe Skënderbeut. Tekniku daja ka preferuar që të hedhë në fushë më të mirët dhe të tentojë të marrë një rezultat pozitiv. Kjo është më shumë se një ndeshje futbolli, duke pasur parasysh edhe atë çfarë ndodhi rreth 3 vite më parë në të njëjtin stadium në përballjen Serbi-Shqipëri.
Partizani i Beogradit (4-4-2):Stojkovic, Miletic, Miletic, Mitrovic, Vulicevic, Tosic, Jevtovic, Luiz, Jankovic, Ozegovic, Tawamba
Skënderbeu:(4-3-3): Shehi, Vangjeli, Radas, Jashanica, Mici, Lilaj, Muzaka, Taku, James, Gavazaj, Sowe
