Deputetja e Partisë së Lirisë, Erisa Xhixho në një intervistë për Ora News foli për regjistrin e të dënuarve për krime seksuale. Xhixho është propozsuesja e këtij ligji që u miratua në parlament me 21 korrik të 2022.
Ky ligj edhe pse ka hyrë në fuqi që nga 22 janari i vitit 2023, regjistri nuk është akoma i aksesueshëm.
“Është një nisëm që e kam për zemër. Ky regjistër ishte një praktikë e Britanisë së madhe. Unë mora iniciativën për ta futur në parlament. Me miratimin para 1 viti, në janar të këtij viti ky regjistër duhej të ishte i askesueshëm.
Sot që flasim ky regjistër nuk është i askesueshëm. 1 në 10 fëmijë abuzohen në Shqipëri. Regjistri ekziston, dhe mora angazhim nga AKSHI se për një muaj regjistri do jetë i askesueshëm”, tha Xhixho.
