Udhëheqësi i larguar katalanas Carles Puigdemont është “dorëzuar” në policinë belge.
Prokurorët belgë, të cilët kanë marrë një urdhër arresti nga Spanja për Puigdemont dhe katër bashkëpunëtorët e tij, kanë deklaruar se do të informojnë mbi rastin në një tjetër moment.
Puigdemont dhe katër bashkëpunëtorët e tij mbërritën në Belgjikë, pasi u shkarkuan nga autoritetet spanjolle, pas shpalljes së pavarësisë së rajonit, të cilin Spanja e sheh si të paligjshëm.
Gjykata Kombëtare Spanjolle lëshoi një urdhër për pesë politikanët separatistë të premten, një ditë pasi i njëjti gjyqtar dërgoi një tjetër ish-anëtar të kabinetit katalanas në burg, ndërsa hetimi vazhdon.
Puigdemont shkroi në holandisht të shtunën në llogarinë e tij në Twitter se ai ishte “i përgatitur të bashkëpunonte plotësisht me drejtësinë belge pas urdhrit të arrestit evropian të lëshuar nga Spanja”.
Pas dorëzimit pritet ekstradimi i tij në Spanjë, ku do të përballet me akuzat për rebelim dhe shpallje të njëanshme të pavarësisë.
