Në qoftë së keni një celular iPhone X dhe mendoni se ai është më i shtrenjti gaboheni. LG Electronics ka publikuar një numër të kufizuar të telefonave “super” premium në Korenë e Jugut. Kompania do të shesë vetëm 300 njësi të LG Signature Edition, secili prej këtyre celularëve do të kushtojë rreth 2 milionë uon korean (1,800 dollarë), vlerë më e lartë se ajo e iPhone X në vend.
LG ka përdorur markën Signature për pajisjet e saj që përdoren në shtëpia, por kjo është hera e parë që po përdoret për një telefon.
Ristrukturimi i kompanisë javën e kaluar tregon se biznesi i tyre mobil ka gjasa të jetë filial për bizneset e tyre televizive dhe pajisjeve shtëpiake. CEO Jo Seong-jin fillimisht nisi markën Signature në pajisje shtëpiake, me sukses të madh dhe që çoi në fitime rekord.
LG tha se telefoni Signature, i cili do prodhohet me dy ngjyra, i zi dhe i bardhë, është bërë nga materialet e përdorura në orët e kompanisë.
Dizajni është i fokusuar për të qenë “i thjeshtë” dhe “dinjitoz”. Pjesa e prapme është e perbërë nga qeramika e zirkonit për të cilën thuhet se ulë gërvishtjet. Blerësit mund të zgjedhin të gdhendin emrat e tyre në mbulesën e pasme.
Specifikimi i telefonit të ri është gati identik me V30 dhe telefoni ka 6GB Ram dhe 256GB memorie të brendshme. Pajisja vjen me Android 8.0, ka karikues Qi Wireless, dhe LG Pay. Ekziston një ekran OLED 6 inç, një bateri prej 3,300 mAh dhe një kamerë të dyfishtë.
