Lewis Hamilton ka ngritur trofeun e kampionit në Formula 1, kur kanë mbetur edhe dy gara për tu zhvilluar. Ky sukses i katër herë kampion bote i shpejtësisë pritet të pasohet nga një rinovim faraonik me tre vite të tjera me Mercedes. Kur ka mbetur edhe një vit nga kontrata aktuale, drejtuesit e Mercedes kanë menduar që të ulen në bisedime me Hamiltone dhe ti ofrojnë një rrogë prej 53 milion euro në vit, shkruan “Evening Standard”.
“Procesi ka nisur, tashmë duhet vetëm të perfeksionohen detajet dhe shtrirja në kohë e kontratës, duke parë se çfarë tjetër mund të bëj më shumë për skuadrën dhe sponsorët e anasjelltas. Jam i bindur se muajin tjetër do të gjejmë kohën për t’u ulur në bisedime. Gjithsesi, ne duhet ende të mendojmë për dy garat e radhës, për ta mbyllur edhe më bukur këtë sezon triumfues,” – deklaroi Hamilton pas ceremonisë festive për suksesin e tij.
