Një shofer taksie është ndëshkuar me gjobë pasi u denoncua se lëvizte në korsinë e biçikletave në kryeqytet.
Qytetarët denoncuan rastin përmes një video ku shihet shtetasi A.L., drejtonte automjetin taksi në korsinë e biçikletave.
Për shkak se ka shkelur rregullat e Kodit Rrugor, policia e ka ndëshkuar me 14 mijë lekë të reja gjobë.
Njoftimi i Policisë Rrugore Tiranë:
“Lëvizi me taksi, në korsi të biçikletave, ndëshkohet me masë administrative 14 000 lekë, drejtuesi. Në lidhje me një video të publikuar në portalin “JOQ”, në të cilën shfaqet një taksi duke lëvizur në një korsi të dedikuar për biçikleta, sqarojmë se:
Menjëherë pas publikimit të videos, shërbimet e qarkullimit rrugor kanë kryer veprimet e nevojshme procedurale për rastin, dhe si rezultat i tyre është identifikuar drejtuesi i taksisë që shfaqet në video, shtetasi A. L.. Ky shtetas, së bashku me automjetin, janë shoqëruar në ambientet e Policisë.
Në përfundim të veprimeve procedurale, shtetasi A. L. është ndëshkuar me masë administrative 14 000 lekë, për shkelje të neneve 71/5, 101/7 dhe 144/2 të Kodit Rrugor.”
