Gianni de Biasi ka dhënë sot dorëheqjen nga drejtimi i Kombëtares Shqiptare. I emocionuar, De Biasi është përlotur teksa lexonte fjalimin e tij mjaft prekës.
Më poshtë, letra e plotë e dorëheqjes së De Biasit.
“Kjo është një faqe e përvojës time profesionale në Shqipëri që kurrë nuk do kisha dashur ta shkruaja!
Kam menduar dhe medituar gjatë dhe dëshiroj t’ju informoj se duke nisur nga sot nuk do të jem më Trajneri i kombëtares sonë!
Do të ndalem këtu sepse dëshiroj të mendoj për të mirën dhe rritjen e Ekipit.
Besoj se e kam përmbushur detyrën time, e cila më ka lejuar mua që të nxjerr nga këta djem ato cilësi që në të kaluarën e afërt kanë bërë të mundur të jetojmë Endrrën Europiane!
Atë ëndërr, e cila që në ndeshjen e parë në Gjeorgji, nëpërmjet asaj letre të hapur kisha kërkuar të ngulitja në kokën e tyre dhe në zemrën e tyre!
Është një zgjedhje profesionale shumë luftarake, e vështirë! Uroj që të arrini ta kuptoni, edhe pse jo të gjithë mund ta pranojnë! Kemi jetuar vite te mbushura plot emocione dhe kënaqësish dhe kemi arritur rezultate me të vërtetë të rëndësishme që shumë i konsideronin të pamundura.
Gjatë gjithë kësaj kohe kam punuar gjithmonë me pasion të madh, me një entuziazëm të ri falë edhe rezultateve dhe euforisë ngjitëse të të gjithë shqiptarëve, në Atdhe dhe atyre të shpërndarë nëpër botë!
Impenjimi i përditshëm, përpjekja për t’ju transferuar djemve një mentalitet të ri, një mentalitet fitues!
Angazhimi i vazhdueshëm së bashku me gazetarët tuaj, i mediave për t’iu kaluar një komunikim korrekt, transparent, proaktiv ka qenë një punë e detajuar me të vërtetë vazhdimisht e mundimshme, nganjëherë dhe e bezdisshme!
Dëshiroj të theksoj se sot largohem nga udhëheqja e Kombëtares, duke mos patur një ekip në te cilin të punoj, ndërkohë që gjatë këtyre viteve gjithmonë kam rezistuar ndaj tundimeve të ofertave të punës, duke ditur qe vendi im ishte në udhëheqjen e djemve tanë drejt një rritjeje të qëndrueshme në drejtim të realizimit te tyre.
Pas Europianit isha vendosmërisht i bindur që mund të përmirësonim më tej dhe se përvoja që patëm gjate tre ndeshjeve në Francë, do të na lejonte një rritje të mëtejshme globale.
Dhe kështu do të jetë, por me një Trajner te ri!
Po largohem me vështirësi, por i vetëdijshëm që cikli im në ketë grup ka përfunduar dhe qe mund t’i japë rastin atij që do më zëvendësoje, të njohë djemtë në katër ndeshjet e ardhshme.
Me lejoni te falënderoj te gjithë ata qe bashkëpunuan ne rritjen dhe zhvillimin e projektit te Shqipërisë qe na ka çuar te jemi ne vendin e 22 te Ranking Fifa, qe na ka mundësuar te mundim Norvegjinë jashtë shtëpisë, te fitonim dhe barazonim kundër Francës dhe te fitonim kundër Portugalisë, i mundur pas nesh deri ne Pushtimin e Euro 2016!!!
Dhe me ne fund për te arritur ëndrrën tonë …
Dëshiroj me ketë rast te falënderoj publikisht ata te cilët me dhanë këtë mundësi të madhe , Presidentin Armando Duka, qe gjithmonë me ka mbështetur dhe me ka dhënë Letrën e Bardhe( la Carta Bianca) për te vepruar ne rolin tim si Përzgjedhës!
Një falënderim te përzemërt te gjithë djemve qe gjate gjithë kësaj kohe kane qene pjese e Ekipit, faleminderit për gjithshka qe me keni dhënë, qe keni dhënë për fanellën tone!
Është një përvojë qe me ka pasuruar si ne aspektin profesional ashtu dhe ne atë njerëzor, me keni befasuar me përkushtimin tuaj dhe përfshirjen tuaj ne sfidën tone!
Faleminderit te gjithë bashkëpunëtoreve te mi, veçanërisht Paolo Tramezzani, shok udhëtimi qe nga dita ime e pare ne Shqipëri , gjithmonë i gatshëm për te me mbështetur i palodhshëm në punën në terren dhe në shume udhëtime për të takuar lojtaret tanë te rinj!
Albertos që ka ndjekur përgatitjen dhe rekuperimin e djemve, Ilir Boziqi, Ervin Bulku dhe gjithe stafi teknik! Benyy Celiku, Gianluca Stesina, Filippo Iori i cili ka trajtuar lojtaret se bashku me Ylli Mihali, Merepeza, Arben Voci, dhe te madhit Fatos Kademi një punëtor i palodhur!
Të gjithë njerëz të çmuar dhe madhështorë Ekipi!
Për te gjithë njerëzit qe punojnë ne Federate, qe nuk dallohen por qe bëjnë një pune te vlefshme për rezultatin përfundimtar!
Falënderoj ne mënyrë te veçantë te gjithë tifozët tanë te përkryer, lojtari ynë i dymbëdhjetë.
Gjithmonë te gatshëm te na ndiqnin kudo me flamuj e me zemër.
Çdo gjë ne futboll , ne sport, ashtu si në jetë, ka një fillim te tij dhe një fund! Cikli im si Trajner i Kombëtares ka përfunduar, por asgjë nuk mund të copëtoje kurrë lidhjen e forte qe me lidh me Kombin Tone dhe te shume njerëzve qe në këto pese vite e gjysme të bukura pata fatin t’i takoj!
Tani fara është mbjelle në tokë, po rritet dhe me angazhimin, përkujdesjen dhe punën e të gjithëve do të dijë të japë fruta të shkëlqyera!
Mirënjohje, Gianni De Biasi!”
