Pas disa orësh luhet derbi mes Real Madridit dhe Atletico Madrid, ndërsa “L’Equipe” ka “tronditur” botën e futbollit me kryelajmin e saj të botuar sot.
E përditshmja franceze shkruan se “Los Blancos” kanë ndërmend të sigurojnë shërbimet e Griezmann, vitin e ardhshëm.
“Griezmann-Real, plani sekret”, është ky titulli i madh i revistës franceze, ndërsa në brendësi thuhet se Real Madridi do të përpiqet për nënshkrimin e Griezmann, në verën e vitit 2018, për ta bërë më pak të dhimbshme rënien e Cristiano Ronaldos, për shkak të moshës së tij.
Lajmi bombastik vjen vetëm pak orë pasi këshilltari i sulmuesit të Atletico Madridit, Eric Olhats, siguroi në një prononcim për “RMC” se “Los Blancos” janë të interesuar për francezin ndërkombëtar, por kjo gjë mund të pengohet nga pakti i miratuar nga dy klubet e Madridit, se kurrë nuk do të bëjnë agresion në merkato ndaj njëri-tjetrit.
