Kryetari i Bashkisë, ose i ashtuquajturi lali Eri, sot si rrallë herë nuk ia doli që të mbizotëronte situatën, por me mjaft mjeshtëri ia doli që të zaptonte median dhe të bënte deklaratat e tij të suksesit.
Sot ai mori një shuplakë të fortë nga ana e PD-së, të cilët e nxorën jashtë sallës, ndonëse Garda ishte në mbrojtje të tij.
Lali Eri sot mori rolin e radhës, aktroi mjaft bukur, ndonëse sinjalet i hidhte tek Albana Vokshi, e cila nuk e hëngri karremin.
Ajo iu ktheu me të njëjtën gjuhë brutaliteti, por Veliaj, i stërvitur me këto lloj situatash rruge, e administroi me aq sa kishte mundësi, por në fund i doli prej duarsh. Qëndrimi si një drejtues rrugoreje, e më pas histericizmat të sillnin një gjendje të rënduar, por për fat të keq kjo ishte situata e ofruar në Komisionin e Medias.
Veliaj mendoi si fillim të zgjidhte hallin e tij, e më pas luajti mjaft bukur edhe me emrat e aktorëve, për të cilën tha se shqetësohet për fatet e tyre. Por ajo çfarë ra në sy pas kësaj situate dramatike, ishte roli i radhës i marrë përsipër nga ana e lali Erit, ku bënte propagandë sikur të ishte një edukator kopshti.
“Çfarë ndodh në bullizëm? Një lac i klasës mundohet ti bëj zbor kalamajve të tjerë, ai është minorancë, por meqë është agresiv i imponon gjithë klasës. Nëse një prind e pranon që fëmija i vetë të trajtohet në mënyrë të tillë nga laci i klasës, atëherë ne jemi një shoqëri e falimentuar. Asnjë prind se lejon këtë gjë. Pse duhet ta pranojmë këtë ne në jetën publike? Pse laci i klasës duhet të vijë me vezë? Ta hedhim me vonë, nëse njerëzit nuk i duan këto ndryshime, e kemi vetë në dorë. Edhe për teatrin. Mos na ka ardhur një shanc për ta bërë më mirë?”, tha Veliaj.
Ai u fsheh pas termave populistë, duke iu drejtuar me arrogancë ndaj palës kundërshtare, se nuk e dinë se ku bie Teatri, madje sipas tij, ata nuk kanë qenë ndonjëherë në Teatër. Ndaj ndodhur në këto kushte, ata s’duhet ta ngrenë zërin, por të qetësohen se gjithçka do shkojë sipas planit të tij.
TIRANA TODAY
