Ndërkohë, GJKKO e ka shtyrë kërkesën e mbrojtësve të Kokës, të bazuar në nenin 263 pika6/C e Kodit të Procedurës Penale, e ka shtyrë më 24 Tetor.
Ish-ministri i Mjedisit, Lefter Koka, i akuzuar nga SPAK për dosjet e inceneratorëve, kërkon lirimin nga qelia. Koka ka depozituar një kërkesë në GJKKO për lirimin të menjëhershëm dhe shuarje të masës së sigurisë, duke pretenduar se ka kaluar afati 3-vjeçar i paraburgimit për inceneratorin e Fierit.
Ndërkohë, GJKKO e ka shtyrë kërkesën e mbrojtësve të Kokës, të bazuar në nenin 263 pika 6/C e Kodit të Procedurës Penale, e ka shtyrë më 24 Tetor.
Ish-ministri u vu në pranga në dhjetor të vitit 2021 për dosjen e inceneratorit të Elbasanit me akuzën e shpërdorimit të detyrës, pastrimit të parave dhe korrupsionit. Për këtë dosje, ku u dënua në 2023 me 5 vite e 8 muaj burg, ish ministri fitoi në korrik të këtij viti të drejtën e lirimit me kusht nga gjykata e Durrësit. Në vendimin e gjyqtarit Xhevdet Lika, thuhej se për pjesën e mbetur të dënimit, Koka duhet të mbajë kontakte me shërbimin e provës dhe të mos kryejë vepra të tjera penale.
Por Koka është dënuar edhe për dy dosjet e tjera të inceneratorëve, Fierin, që u kthye për rigjykim në Apelin e GJKKO një ditë më parë nga Gjykata e Lartë, dhe inceneratorin e Tiranës, që s’ka marrë formë të prerë. Më 23 shtator 2023, ish-ministri u dënua me 10 vite burg për çështjen e inceneratorit të Fierit, por në dhjetor 2024, Apeli i GJKKO vendosi të rikthente dosjen për rigjykim në shkallën e parë me trupë tjetër gjykuese. Dje, më 21 tetor 2025, Gjykata e Lartë vendosi se kjo dosje duhet të gjykohet në Apelin e GJKKO.
Për inceneratorin e Tiranës, Koka u dënua me 16 prill me 3 vite burg nga 4 që kërkoi Prokuroria e Posaçme por vendimi nuk ka marrë formë të prerë.
