Drejtuesja e ektremit të djathtë, Marine Le Pen, e kualifikuar për turin e dytë të zgjedhjeve presidenciale franceze së bashku me pro-evropianin, Emmanuel Macron, përshëndetën rezultatin e ditës së sotme.
“Etapa e parë që do të çojë francezët në Elysee u kalua. Është një rezultat historik”, deklaroi Le Pen, duke shtuar se turi i dytë më 7 maj do të sillte francezët për të zgjedhur mes “globalizimit të egër” mishëruar nga rivali i saj, ose “alternativën e madhe” që ajo përfaqëson.
Ndërsa ish-ministri i Ekonomisë deklaroi se francezët e dhanë alternativen e tyre për ndryshim.
“Francezët shprehën dëshirën e tyre për ndryshim. Logjika jonë do të jetë në praktikat që do të ndjekim deri në zgjedhjet legjislative”, u shpreh Macron, i cili dha dorëheqjen nga qeveria në muajin gusht për të formuar lëvizjen e tij politike.
