Lazio ka dorëzuar listën e saj zyrtare në UEFA për pjesën e dytë të sezonit, ku rikthehet edhe Elseid Hysaj, pavarësisht se mbrojtësi shqiptar është i dëmtuar dhe pritet të mungojë për më shumë se një muaj. Vendimi i klubit tregon besimin që kanë te rikuperimi i tij dhe kontributi në ndeshjet ndërkombëtare.
Për t’i bërë vend Hysajt, Lazio ka lënë jashtë listës mbrojtësin italian Luka Pellegrini, si dhe të gjitha blerjet e reja të janarit, përfshirë Arijon Ibrahimoviç, Reda Belahjane dhe Oliver Provstgard.
Drejtori sportiv i klubit, Angelo Fabiani, komentoi përjashtimet dhe rikthimin e Hysajt me një përgjigje thumbuese ndaj gazetarëve, duke theksuar se askush nuk kishte bërë pyetje kur shqiptari u la jashtë listës në shtator.
