Në studion emisionit “Open” në News24 po diskutohet për vendimin e qeverisë për studentët e mjekësisë, të cilët duhet të punojnë për 5 vite në Shqipëri në mënyrë që të marrin diplomën.
Sociologu, Ergys Mërtiri e quajti vendimin e qeverisë si pengmarrje dhe kërcënim, teksa argumentoi se për aq kohë sa nuk ofrohet pagë, kushte më të mira puna dhe dinjitet, një mjek është i detyruar të largohet nga vendi.
Ndërsa mjeku, Gjergji Koja kundërshtoi Mërtinin, ku tha se sistemi i mjekësisë ka ndryshuar dhe kushtet janë më të mira për pacientët.
Më tej, Mërtiri u shpreh se mjekët nuk duan të punojnë në Shqipëri, pasi spitalet janë të qelbura, teksa u kundërshtua nga mjeku Koja, i cili tha se ky është muhabet kafenesh.
Pjesë nga debati:
Mërtiri: Vendimin e qeverisë e konsideroj si pengmarrje. Argumenti që nxjerr Rama është pa sens. Këta mjek a nuk po paguajnë taksa? Qeveria duhet tu japë shërbimin dhe jo të vendëse kushte. Thotë se nuk është një profesion i gjithë të tërëve por shërbim ndaj qytetarëve. Ka kaq kohë që thotë se do rrisë çmimin e energjisë elektrike, sepse kështu është në treg, pse nuk ndodh kështu dhe me mjekët? Pse duhet të mbash peng mjekët për shëndetin e popullit. Shqiptarët shkojnë studiojnë jashtë shtetit dhe nuk paguajnë asnjë taksë andej. Kurse këta që paguajnë taksat këtu, duhet të qëndrojnë këtu. Nuk ka sens kjo. Nëse do të mbash mjekun, jepi rrogën, kushtet e punës dhe dinjitet. Kemi raste kur nxjerr mjekët që kërcejnë napoloni, edhe rastin e një mjeku që bëri një denoncim dhe e pushuan. Kur i persekuton mjekët dhe nuk u jep rrogat, normal që do ikin. Kjo që bë qeveria është kërcënim. Mjeku të jep diagnozën pa parë ekon. Në QSUT duhet të japësh ryshfet që të bësh një skaner. Spitalet janë bërë të qelbura dhe mjekët nuk punojnë dot.
Koja: Jo nuk janë, sot ka nga 2 skanerë në spitale. Mos të merremi me muhabete kafesh.
Mërtiri: Njoh njerëz që janë masakruar në spitale. E keni parë çfarë ka ndodhur në spitalin e Kukësit?
Koja: Unë nuk jam inspektor i tyre.
Mërtiri: Sistemi spitalor nuk ehte vetëm QSUT.
Koja: Në Itali të duhet minimalisht të presësh mbi 1 muaj për të bërë një skaner.
Mërtiri: Për të bërë një skaneri duhet të japësh ryshfet.
