Kreu i Bashkisë, Erion Veliaj, nuk ia doli dot mbanë përballë demokratëve, ndonëse këto ditë ka arritur që të prishte qetësinë e artistëve, madje edhe duke i futur në sherre mes palëve. Por këtë herë ai ka dështuar, madje pas thirrjeve të shpeshta të Albana Vokshit, dukej sikur ai e fitoi betejën e parë. Por përballja e demokratëve dhe ngritja e toneve, detyroi lali Erin të ikte me “bishtin ndër shalë”.
Në punimet e këtij Komisioni mbizotëroi një situatë e tensionuar, e ku në një rast deputeti demokrat Ervin Salianji, tentoi të çante kordonin e Gardës. Pavarësisht prezencës së shtuar të deputetëve demokratë, të cilët ngritën zërin, e madje u çuan në përballje të hapur me Gardën, Veliaj bëri rezistencë.
Veliaj debatoi ashpër me deputeten demokrate, Albana Vokshi, mbi projektin e Teatrit të ri Kombëtar, duke deklaruar se ashtu si çdo projekt tjetër i sulmuar nga Partia Demokratike, do të dalë edhe më i bukur. Pas sherrit, Veliaj u largua e pas tij edhe ministrja Kumbaro.
