Pas raportimeve për një shpërthim në stacionin qendror të Brukselit, janë evakuuar të gjithë personat që ndodheshin në godinë.
Sipas pohimeve të policisë belg,e thuhet se situata është nën kontroll dhe nuk ka asnjë rrezik, teksa nuk ka ende asnjë raportim për të dëmtuar.
Mësohet se një person i veshur me një rrip shpërthyes u neutralizua nga uniformat blu brenda stacionit dhe brenda pak minutash janë kryer të gjitha procedurat për të shmangur një rrezik të mundshëm.
Në mars të vitit 2016, 32 vetë vdiqën në sulmet ndaj aeroportit të Brukselit dhe sistemit të metrosë, ku u pretendua se ishin kryer nga shteti islamik .
Ekspertët e policisë kanë mbërritur në vendngjarje prej 30 minutash dhe po merren me të gjitha pistat e hetimit, pasi pretendohet për një sulm të mundshëm terrorist.
