Sezonin e kaluar, Reali i Madridit mundi Barcelonën për të rihapur kampionatin, por ishte larg për të shpresuar në përmbysje pozitash. Në sezonin 2013-2014, përsëri Reali i Madridit sfidoi Barcelonën gjatë gjithë kampionatit, por pranë fundit Barcelona shëtiste e pa shqetësuar në renditje.
Sezoni aktual 2016-17 po zhvillon një nga edicionet më spektakolare të viteve të fundit. Sezoni i fundit, kur dy gjigantet spanjoll ndoqën hap pas hapi njëri-tjetrin, ishte sezoni 2009-2010, teksa Barcelona udhëhiqte me një pikë para në kampionat. Distanca u thellua në 3 pikë në ndeshjen e fundit të kampionatit.
Ky sezon ofron dhe 4 sfida për Barcelonën dhe 5 për Madridin. Sfidat e Barcelonës janë: Espanyol, Villarreal, Las Palmas dhe Eibar, ndërsa 5 përballjet e Realit: Valencia, Granada, Sevilla, Celta Vigo dhe Malaga.
Nga ndeshjet e mbetura mund të mendojmë se Barcelona po pret. Sfidat për katalanasit janë të thjeshta të paktën në letër, ndërsa Realit të Madridit i janë rezervuar më të fortët për fazën kyç të kampionatit.
Nga 5 ndeshje të mbetura për madrilenët, atyre u nevojiten së paku 13 pikë, që konvertohen në 4 fitore dhe një barazim, gjithmonë nëse Barcelona do jetë e gatshme të përfitojë. Barcelona kryeson kampionatin me pikë të barabarta me Realin e Madridit, i cili disponon një sfidë më pak të zhvilluar. Konkretisht ajo me Celta Vigon.
Kampionati nuk është vendosur akoma, madje as një hipotezë të sigurtë nuk mund ta kemi. Reali i Madridit luan të shtunën në 16:15 kundër Valencias në Bernabeo, ndërkohë Barcelona do të sfidojë Espanyolin, në derbin e katalanas.
Çdo ndeshje e fituar është një hap drejt titullit kampion, por ai titull vendoset nga paraqitjet e Realit të Madridit. Ata do e vendosin fituesin, nëse nuk lejojnë gabime, atëherë Barcelona fiton vetëm për presion.
