Burime të policisë së Kosovës thanë për rrjetin investigativ BIRN se Milan Radoiçiç, është i dyshuar për vrasjen e politikanit Oliver Ivanoviç.
Ai njihet si biznesmen i fuqishëm i konsideruar si mbajtësi i vërtetë i pushtetit në veriun e Kosovës. Këtë emër e pat përcaktuar dikur Radoiçiçin si figurë kyçe të një sistemi frikësues për pushtetin në atë zonë. Në muajin qershor, biznesmeni u emërua zëvendëspresidenti i listës serbe.
Ai vetë nuk ka komentuar mbi lajmin se konsiderohet i dyshuar për vrasjen e bujshme të politikanit lokal serb.
Policia e Kosovës arrestoi dje katër persona në kuadrin e hetimeve mbi ngjarjen e 16 janarit të këtij viti.
Kryetari i veriut të Mitrovicës, Goran Rakiç, citohet të ketë thënë se dy nga të arrestuarit janë pjesëtarë serbë të policisë së Kosovës.
Aksioni i policisë nxiti reagime të shumta, përfshirë ato të autoriteteve në Serbi. Presidenti Aleksandar Vuçiç takoi ambasadorët e Rusisë dhe Kinës në Beograd për të shprehur shqetësimin e tij nga ky episode. Vuçiç mësohet të ketë thënë se “Serbia nuk ka më arsye për t’i bësuar misionit të KFOR-it në Kosovë”.
Por, forcat paqeruajtëse të NATO-s në Kosovë argumentuan së veprimet e policisë nuk ishin të paligjshme e nuk ka pasur ndonjë kërcënim për sigurinë e qytetarëve. Ndërkohë, grupe qytetarësh serbë u mblodhën në sheshin qendror të Mitrovicës për të shprehur kundërshtinë e tyre.
Zyrtari i listës Serbe, Igor Simiç u shpreh se institucionet e Prishtinës po e shfrytëzojnë rastin e hetimeve të vrasjes së Oliver Ivanoviç. Ai tha se po e përdorin si forcë kundër serbëve./TIRANA TODAY/
