Kuvendi ka rrëzuar me 55 vota kërkesën e kryetarit të Grupit Parlamentar, Gazment Bardhi, për ringritjen e Komisionit për Reformën Zgjedhore.
Bardhi kërkoi në Kuvend që të kryhet votimi për ndryshimin e komisionit për Reformën Zgjedhore. Mirëpo, kjo kërkesë nuk u mor parasysh dhe Kuvendi e hodhi poshtë.
“43 vota pro kërkesës për, 55 janë kundër ndryshimit për rendin e ditës”, tha Felaj.
Gjatë fjalës së tij pas rrëzimit të kësaj kërkese, deputeti demokrat tha se nëse mazhoranca do të ishte e interesuar për zgjedhje të lira dhe të ndershme, nuk do të kishte përfshirë në zgjedhjet e 14 majit bandat kriminale në çdo qytet të vendit.
“Tani që ju keni ndërmend të vazhdoni këtë lojë ne këtë e kemi të qartë po të ishit të interesuar për zgjehdje të lira dhe të ndershme nuk kishit përfshirë banda kriminale në çdo qark e qytet. Ky komision nuk mund të mblidhet se ne kemi vendosur gishtin te anëtarët që e kanë mbajtur zvarrë komisionin”, tha Bardhi.
