Ditën e sotme në ambientet e Qendrës së Solidaritetit të Fondacionit “Fundjavë Ndryshe”, u mbajt Kuvendi i VI-të Ndërkombëtar “Mirësia e Shqiptarit – Mirësi e Zotit. Armiku – Mik”
Një organizim i Fondacionit “Gasmen Toska” Akademia Albanologjike “Rrënjët Tona”, Qëndra Traditë – Art – Libra (QTAL).
Një kuvend që u mbajt mbi rastin historik, mikpritja shqiptare e ushtrisë italiane gjatë Luftës së Dytë Botërore, ku fjalën e mbajtën prof. Sazan Guri, Stefan Pinguli, Gasmend Toska, Xhevair Lleshi, Fredi Balaj.
Pjesë e këtij kuvendi me fjalën e tij ishte edhe z. Shkëlqim Hajdari me temën “Shqipëtarët e Kosovës dhe mbrojtja e Hebrenjve gjatë luftës së dytë botërore”.
Qëllimi i këtij kuvendi ishte promovimi dhe forcimi i dëshirës së të rinjve për traditat historike e kulturore, vlerat, ruajtjen dhe tejçimin e tyre nga brezi në brez, nëpërmjet një marrëdhënieje dhe sjelljeje unike dhe qytetare.
Ky kuvend në nivel të lartë shkencor i cili u mbajt brenda ditës së sotme, u organizua me 5 seanca, me një grup të mirëfilltë studiuesish.
