Në 27-vjetorin e Partisë Socialiste, kryebashkiaku i Tiranës, Erion Veliaj, u kujdes që të përcillte një mesazh me mend, për të fshehur gjithë njollat që ka lënë mbi shoqërinë shqiptare. Ai di të qajë hallet këmbëkryq me popullin, por nga ana tjetër, di dhe si ta godasë me lezet, aq sa të mos ndjejnë fare dhimbje.
Pak ditë më parë, Veliaj shkruante se PS-ja nuk është veç një bashkim politik, por e vetmja forcë progresive që bën shtet, qytet, e Evropë në Shqipëri. Por teksa rreh gjoksin, lali Eri ka harruar se të bësh shtet, nuk do të thotë të baltosësh, të fusësh në burg ata me pamundësi ekonomike, ata që luftojnë për bukën e gojës e shesin rrugëve, aty ku të munden.
Ju kujtohet rasti i zonjës së moshuar, të cilës iu vu gjobë nga Policia Bashkiake për shkak se ajo tregtonte qepë dhe spinaq në mënyrë ambulante? Atë të shkretën e trajtuan si një bandë.
Por lali Eri nuk është mjaftuar me kaq, por ka sulur Policinë Bashkiake për të vënë rregull edhe tek trotuaret, ku ndonjë hallexhi shiste për të ngrënë një copë bukë të thatë. Rasti më mizor i takon edhe gruas që i morën karrocën e kokoshkave. Kaq mjaftoi dhe rrjetet shpërthyen me meme, por kjo pak rëndësi ka për Veliajn, pasi me mjeshtërinë e fjalës, e hodhi pas supeve.
Nuk kishte çast më prekës kur gruaja qante pa pushim, e më pas humbi ndjenjat, pasi ajo karrocë ishte pasuria e familjes, gjithçka ajo kishte. Por kjo shfaqje nuk kishte si ta fajësonte kryebashkiakun, ndaj menjëherë u hodh në sulm, për të mos iu nxirë emri. Pas publikimit të këtij rasti, kryeinspektori i Policisë Bashkiake të Tiranës, pezulloi menjëherë nga detyra 4 inspektorët që ishin në detyrë, deri në sqarimin e plotë të ngjarjes në fjalë.
Policia e tij bashkiake, në mënyrë konsistente ka përndjekur tregtarët varfanjakë të rrugës, ndërsa ka toleruar shkeljet e bizneseve të mëdha.
Maja e ajsbergut është rasti i 17-vjeçarit të ndjerë, Ardit Gjoklaj, në landfillin e Sharrës. Por për këtë, çfarë ka për të thënë Veliaj?
E si për ti vënë vulën përfundimtare, dje ai tregoi se “dëgjesat” janë thjeshtë një shfaqje e cila ka për triumfator vetë atë, duke shfaqur një sjellje arrogante, se ai është shteti dhe ligji!
LEXO EDHE:
Kur të plasin brenda për një vezë
