Gonzalo Higuain duket se do të jetë lojtar i Milanit. Bisedimet mes drejtorit sportiv, Leonardo dhe agjentit të lojtarit që zgjatën deri në orët e para të mëngjesit kanë arritur një zgjidhje pozitive. Milani do të marrë bomberin argjentinas në huazim me të drejtë blerje, për huazimin do të paguaj 20 milionë euro dhe e drejta e blerjes do të jetë 35 milionë euro.
Por duket se bashkëpunimi Juventus-Milan nuk mbaron me kaq, pasi me shumë mundësi do të ketë edhe një shkëmbin Bonucci-Caldara. Ky i fundit është gati të largohet nga Torino edhe pse nuk ka luajtur asnjë ndeshje si bardhezi. Ndërsa Leonardo Bonucci do të rikthehet tek kampionët e Italisë vetëm paas një viti që u largua.
Sipas ‘Gazzetta dello Sport’ ky vlerësohet si një shkëmbim i drejtë pasi të dy lojtarët janë vlerësuar nga tregu me 40 milionë euro. Juventusi e nxori në shitje Higuain-in, pasi nuk kishte vend për të pas nënshkrimit me Cristiano Ronaldon. Dhe sipas mediave italiane transferimi i portugezit ka ndikuar edhe në shkëmbimin e Caldara-Bonucci.
