Instagram lejon përdoruesit të fshehin pëlqimet për të zvogëluar presionin
Instagrami u ofron përdoruesve të tij mundësinë për të fshehur numrin e pëlqimeve që marrin në postimet e fotove, në mënyrë që ata që nuk marrin shumë pëlqime të mos e vuajnë shpirtërisht dhe mentalisht.
Qëllimi është “heqja e presionit tek përdoruesit”, tha gjigandi i mediave sociale.
Përdoruesit e Instagramit, me funksionin e aktivizuar tani do të shohin poshtë fotove username-in e një ndjekësi që ka pëlqyer postimin dhe në vend të një numri do të shkruhet “dhe të tjerë”.
Ky ndryshim është testuar në disa vende që nga viti 2019, por tani është duke u vendosur globalisht.
“U desh më shumë kohë nga sa shpresoja, por jam mjaft i ngazëllyer që … u jap njerëzve më shumë kontroll mbi këtë përvojë,” tha shefi i Instagramit Adam Mosseri për BBC.
Në testimin dhe hulumtimin e tij, Instagrami tha se heqja e pëlqimeve kishte pak ndikim në sjelljen ose mirëqenien mendore, pas shqetësimeve se përdorimi i platformës mund të lidhej me pasiguri dhe shëndet të cënuar mendor.
Një studim i fundit nga Instituti i Internetit i Oksfordit gjithashtu zbuloi se kishte “pak lidhje” midis përdorimit të mediave sociale dhe shëndetit mendor tek adoleshentët.
Si ta aktivizoni
Funksioni mund të aktivizohet ose çaktivizohet në çdo kohë. Për ta ndryshuar atë:
- Shko te Settings
- Hyni në Postimet/ Post
- Zgjidhni Fshih pëlqimet dhe vieës-at / Hide Like and Vieë Counts
Edhe nëse një përdorues ka të aktivizuar numërimin e pëlqimeve, ai nuk do të jetë në gjendje të shohë numrin e pëlqimeve në llogaritë ose postimet që i kanë fshehur ato.
Përdoruesit do të kenë gjithashtu mundësinë të fshehin numërimet në një post specifik, para dhe pas postimit në platformë.
