Zjarri i rënë në malin e Gjallicës ndodhet në lartësin 2100 metra.
Kjo vatër zjarri ka nisur që me datën 25 korrik. Ulja e menjëhershme e temperaturave dhe ndërhyrja në këmbë e një grupi zjarrëfikësish, specialistës të pyjeve e punonjës të njësisë vendore bënë të mundur një ditë më vonë, izolimin e kësaj vatre zjarri.
Por, vatra e zjarrit, fatkeqësisht është riaktivizuar pas rritjes së temperaturave e për pasojë ka përfshirë pyjet e dendura me pisha të larta halore dhe shkurre.
Vatra e zjarrit ndodhet në një terren të thepisur malor ku është e pamundur ndërhyrja me automjete; vetëm punonjësit në këmbë mund të arrijnë për një distancë kohore prej tre orësh.
Flakët kanë përpirë afro 5 hektarë me pisha dhe bimësi në këtë mal.
Mali i Gjallicës është pjesë e zonës së mbrojtur natyrore të Parkut Kombëtar Korab-Koritnik.
