Kryeministri Edi Rama iu është bashkuar reagimeve pas kualifikimit historik të Kombëtares në Kampionatin Europian të Futbollit, pas barazimit me Moldavinë.
Në një postim në rrjetin social ‘Facebook’, kreu i qeverisë falënderon ekipin e kombëtares për këtë dhuratë fantastike, referuar kualifikimit.
“Faleminderit kuqezinjve për këtë dhuratë fantastike”, shkruan Rama në Facebook, shoqëruar me një foto të rezultateve të grupit dhe një hartë të shqiponjës të skicuar.
