Rusia ka arritur të marrë një fitore historike përballë Spanjës dhe janë ata që kalojnë në fazën çerekfinale të Botërorit. Spanjollët ishin mjaft të lexueshëm dhe ishin vetë rusët që e çuan lojën në shtesë pas golit të shënuar në portën e tyre dhe më pas barazimin me Dzyuba.
Ndeshja filloi mjaft mirë për spanjollët të cilët kishin nën kontroll gjithçka dhe në minutën e 12’ ishte Ignashevich që dërgon topin në portën e tij pas një dueli me Seërgio Ramos. Ky ishte edhe një rekord për të, pasi bëhet lojtari më i vjetër që bën një autogol në Kupën e Botës (38 vjeç).
Rusët nuk kanë më asgjë për të humbur dhe hidhen në sulm. Është një gabim i Pique në minutën e 41’ ku prek topin me dorë dhe u dhuron organizatorëve të Botërorit një 11-metërsh. Ishte shtatlarti Dzyba që merr përsipër ekzekutimin dhe përballë De Geas nuk gabon, por barazon gjithçka.
Pas pushimit Spanja ka thuajse 80% të mbajtjes së topit por vuan të krijojë hapësira ndaj Rusisë që është rreshtuar e tëra në prapavijë.
Mundësia e parë për shënim vjen nga Iniesta i futur në mesin e pjesës së dytë. Dominimi i Spanjës vazhdoi edhe pas 90 minutave të rregullta, në kohën shtesë. Madje iberikët kishin disa mundësi të mira por muri rus qëndroi i fortë deri në fund dhe fatin e ndeshjes e kanë vendosur penalltitë, për të parën herë në këtë turne. Dhe fatin në penallti e kanë pasur rusët. Ishte Koke dhe Aspas që un ndalën nga portieri rus dhe tashmë Spanja e mbyll me kaq Botërorin.
